HISTORIA DEL FESTIVAL DE CINE ASTURIANU

Cola intención de remembrar y festeyar el centenariu del cine asturianu surde nel añu 2005 el Festival de Cine Asturianu de la mano del so fundador y d’un garrapiellu d’asturianos en Madrid que celebren con entusiasmu nel Salón d’Actos del Atenéu de Madrid el 27 d’abril del 2005 el primer Festival de Cine Asturianu que darréu constitúyese como asociación privada ensin ánimu de lucru cola finalidá de fomentar y difundir el cine asturianu. Naquel primer festival concedióse’l Premiu d’Homor del Cine Asturianu a Gil Parrondo y Rico qu’acudió al festival a entregar en persona los premios a les meyores obres n’asturianu y en castellanu.

El Festival de Cine Asturianu nació'l 27 d'abril del añu 2005 nel auditoriu del Atenéu de Madrid  cola idea de celebrar el primer Centenariu del Cine Asturianu. Axuntáronse naquella ocasión figures tan destacaes como Gil Parrondo que foi Premiu d’Honor del Festival, Paz Pondal, Xuan Gona, Pedro María Sánchez, Paul Naschy como Meyor Actor, Julio César Acera o Asución Balaguer como Meyor Actriz, ente otres personalidaes más pa celebrar el nacimientu d'esti nuevu Festival de Cine. Los triunfadores d'esti primer festival fueron Teresa Marcos y Sergio G. Sánchez colos trabayos Llencería d'ocasión y 7337. El Premiu al Meyor Guión foi pa José Maniega por Imaxe accidental. El Premiu al Meyor Director foi pa Sergio G. Sánchez. Les bases del Festival de Cine Asturianu almiten trabayos en dos estayes principales: obres en llingua asturiana y en cualesquier otra llingua. Al Concursu pueden presentase llargumetraxes, curtiumetraxes, o documentales en cualesquier formatu y duración, siempre que tean realizaos en llingua asturiana, tamién pueden presentase obres de realizadores asturianos o rodaes básicamente n’Asturies o nos territorios del dominiu llingüísticu del asturianu en cualesquier llingua. El Festival de Cine Asturianu celebra añalmente unes gales d'entrega de premios, conocíos como los Fruteros de Cristal, n'homenaxe a la primer película asturiana, El robu de fruta, dirixida por Javier Sánchez Manteola en 1905 y tien como fines la difusión y promoción del cine nacional asturianu y de los sos artistes.

Hestoria d'un vezu, del director Santos Hevia y Por estar contigo, de la realizadora Teresa Marcos fueron les obres ganadores del segundu Festival de Cine Asturianu que se celebró n’Uviéu del 7 al 11 d'abril del 2006 y qu'entregó los sos Premios, los Fruteros de Cristal, nuna Gala de Pieslle que tuvo llugar nel Teatru Filarmónica. Por estar contigo de Deva Films recibió namenos que cuatro Premios del xuráu oficial: Meyor Curtiumetraxe Asturianu n'Otra Llingua, Meyor Actriz (Montse Mostaza), Meyor Actor (Carlos Chamarro) y Meyor Dirección (Teresa Marcos). El Fruteru de Cristal al Meyor Curtiumetraxe n'Asturianu foi pa Hestoria d'un vezu, producíu por Kaos Film y Carré Noir. El Premiu al Meyor Guion foi pa Alberto Pardo porEntaína y el Premiu al Meyor Documental foi pa Lluvina, de Cinemastur Producciones. El Premiu d'Honor del Cine Asturianu foi pa l'actriz ovetense Mary Paz Pondal por tola so carrera artística na que destaquen unes 71 películes interpretaes. El 2u Festival de Cine Asturianu proyectó seis documentales, doce curtiumetraxes na sección oficial y trés estrenos en cine. Amás proyectó tamién les obres ganadores na pasada edición del Festival: Llencería d'ocasión y 7337. Na Gala d'Entamu actuó'l Grupu de Baille Aché-Nonaya d'Uviéu faciéndose llueu un pequenu homenaxe en recuerdu del director asturianu recién fináu Mario Menéndez y darréu presentóse la sección oficial de curtiumetraxes finalistes ante'l xuráu oficial presente na sala. La Gala de Pieslle celebróse'l martes 11 d'abril ante un abondosu públicu nel Teatru Filarmónica onde se fizo la ceremonia d'entrega de Premios del Festival y l'entrañable homenaxe a l'actriz ovetense Mary Paz Pondal. Na Gala de Pieslle, a la qu'asistieron ente otres personalidaes, el conceyal Javier Vidal, el presidente del xuráu David Rivas, el presidente d'ARDA José Braña, la directora de l'Academia de Baile Baidán Amparo Villafruela, los actores José Antonio Lobato, Antonio Castro, Cristian Medina, les actrices Pili Hevia, Marisa Vallejo, Martina Bueno y los realizadores Nacho Carballo, Alfonso Suárez, Javier Prada, Alberto Pardo, José Hernández, Alberto Arce, Roberto Bernabéu o Amanda Castro. Na Gala de Pieslle actuó'l Grupu de Baile Baidán, l'acordeonista André Buche, Ánxel Nava qu'entregó'l Premiu al Meyor Actor y la propia Mary Paz Pondal qu'improvisó una maxistral interpretación qu'entamó col poema "Viva Uviéu" de Marcos del Torniello y que tamién proclamó'l Premiu a la Meyor Actriz. El director del Festival adelantó que na próxima edición convocaríase'l Premiu a la Meyor Película.

Los mediumetraxes Ricardo piezas descatalogadas de los directores naviegos Carlos y Carmen Rico y Último tren a Tahití del ovetense Carlos Navarro resultaron ser les obres ganadores de la tercer edición del Festival de Cine Asturianu celebrada n'Uviéu y que concedió los sos premios, los Fruteros de Cristal na Gala celebrada e 4 d'abril del 2007 nel Teatru Filarmónica. El Premiu al Meyor Curtiumetraxe n'Asturianu foi pa Matar el tiempu de Santos Hevia, un gran trabayu sobre la soledá nel mundu rural astur. El premiu al Meyor Documental foi pa Suena'l Camín de Producciones Lluna llena que reflexa un panorama críticu y actual de la música asturiana. Los dos actores mozos de Último tren a Tahití, Mariola Ruiz y Guillermo Vallverdú, recibieron los premios del xuráu a les meyores actuaciones y el premiu al meyor guion concedióse-y a Carlos Navarro por esta historia de desamor de Último tren a Tahití. El premiu a la Meyor  Dirección foi pa los hermanos Carlos y Carmen Rico por Ricardo piezas descatalogadas, una gran realización sobre'l mundu d'un gayasperu taxista y de la xente que lu arrodia. La gran derrotada nesta edición del Festival foi El Último alquimista, una grandiosa producción del ovetense Nicolás Caicoya ambientada na guerra de l'Alemaña nazi y na búsqueda de la bomba atómica. El Premiu a la Meyor Película foi pa La nueche del escorpión, d'Eva Lesmes, un magníficu guion basáu en fechos reales acontecíos en Xixón nos años setenta inspiráu na novela L'aire les castañes del escritor Vicente García Oliva. El Premiu d'Honor foi pal productor morciniegu Xuan Gona por tola so trayectoria d'apoyu al cine y a los cineastes d'Asturies. El xuráu del Festival nesta tercer edición tuvo formáu polos directores y guionistes Alfonso Suárez, Ángeles Muñiz, Robertu Bernabéu, pol actor José Antonio Lobato y por Laura Lamadrid. El productor de cine Xuan Gona recibió’l día 4 d'abril n'Uviéu, el Premiu d'Honor del Cine Asturianu que-y concede'l 3r Festival de Cine Asturianu que se fizo nesta ciudá del 30 de marzu al 4 d'abril del 2007. L'escenariu del Teatru Filarmónica de la capital asturiana foi tamién el marcu onde se-y dedicó un emotivu homenaxe a tola so obra y carrera artístia realizada hasta la actualidá yá que Xuan Gona sigue trabayando n'abondos proyectos cinematográficos, en tou o en parte siempre relacionaos con Asturies.

El dos de xunetu del 2008 tuvo llugar nel Auditoriu del Atenéu de Madrid, la Gala de Pieslle del 4u Festival de Cine Asturianu. Nella entregáronse los ocho premios del xuráu oficial amás del homenaxe al Premiu d’Honor qu’esti añu foi pal director y guionista Gonzalo Suárez. Los premios consisten en diploma y en dellos fruteros de cristal en recuerdu de la primer película asturiana de 1905 titulada El robu de fruta. Na ceremonia d’entrega de premios fízose un guapu homenaxe a tolos guionistes de cine asturianos. La película de José Antonio Salgot, Dama de Porto Pim recibió cuatro premios del Festival. Esta película rodada n’Asturies ta basada nel cuentu del mesmu títulu escritu por Antonio Tabucchi y ye una producción de Gonafilm y Cartel cola participación de TVE y CANAL+. A la Gala d’entrega de premios acudió tamién la gran actriz vallisoletana Lola Herrera que recibió’l Premiu a la Meyor Actriz por un papel nel curtiu A golpe de tacón de la realizadora Amanda Castro. Lola Herrera recibió tamién un pequenu homenaxe nel Festival y cuntó a los presentes na Gala cómo fueron los sos comienzos nel teatru y nel cine. Lola Herrera cuntó qu’ella nun trabayó abondo nel cine yá que n’Hespaña los directores de cine suelen marxinar abondo a los actores teatrales yá que piensen que sobreactúen, al contrario de lo que pasa n’Inglaterra. Sin embargo Lola Herrera cuntó qu’un bon actor nun actúa igual nel teatru, nel cine y na televisión y que los directores en teoría tienen que tener claro qué ye lo que quieren de los actores. El Premiu al Meyor actor foi pal tamién veteranu Antonio Resines por Dama de Porto Pim. Esta película recibió tamién los premios al Meyor Guión, a la Meyor Dirección (José Antonio Salgot) y a la Meyor Película. Dama de Porto Pim cuntó cola dirección artística del gran Gil Parrondo, Premiu d’Honor na primer edición del Festival de Cine Asturianu. El Premiu al Meyor Curtiu n’Asturianu foi pa Espresionista, de Pablo de María, una colorista y fresca hestoria d’amor inspirada na vida y nos cuadros de Van Gogh. El Meyor Curtiu en Castellanu foi pa La reconversión de las gaviotas, un trabayu d’Alberto Rodriguez de la Fuente sobre la emigración de los mozos asturianos que tienen que marchar fuera de la tierra madre pa buscar trabayu. El Premiu al Meyor Documental foi pa Asturian-US del realizador Luis Argeo, sobre los homes y muyeres descendientes de los emigrantes asturianos y qu’inda viven na costa este de los Estaos Uníos d’América y qu’entá caltienen l’asturianidá heredada de los sos antepasaos. A la Gala de Pieslle del 4u Festival de Cine Asturianu asistieron improtantes personalidaes del mundu del cine como’l realizador asturianu Raimundo García, nomináu a los premios pola so película cómica Cubalibre, la directora Rocío García Campelo que foi presidenta del xuráu oficial, el perconocíu actor Carmelo Gómez, l’actriz Mary Paz Pondal que-y entregó’l premiu a Lola Herrera y el Premiu d’Honor d’esta edición del certame, el realizadorGonzalo Suárez que recibió un homenaxe por tola so obra cinematográfica.

El quintu Festival de Cine Asturianu entregó los sos premios nuna Gala de Pieslle celebrada l’ocho d’abril del 2009 nel Teatru Filarmónica d’Uviéu. Polillas, el curtiu del asturianu Pedro Touceda y la película La torre de Suso, de Tom Fernández fueron les obres ganadores nel 5u Festival de Cine Asturianu nesta edición según los premios del xuráu oficial, compuestu n’esta ocasión por Illán Gonzali, Ana Cárdenas y Sara López. El curtiu Dos sabios de Rocío García, rodáu en Les Caldes d’Uviéu, recibió’l premiu al Meyor Curtiumetraxe n’Asturianu. Belén Rueda y Gonzalo de Castro recibieron los premios a los meyores actores, por El güerfanatu y La torre de Suso respectivamente. El meyor guion foi pa Sergio G. Sánchez por El güerfanatu y la meyor dirección foi pa José Antonio Bayona por El güerfanatu. El Meyor Documental foi pa Alfonso Suárez por Voces en imágenes y el Premiu d’Honor entregóse-y a l’actriz y cantante parraguesa Lilián de Celis. Polillas (Pedro Touceda, 2007) ye un monólogu irónicu, una reflexón poética de ónde venimos y aú vamos. Andéi Ivanov ye un rusu que vive n’Hespaña qu’hai tiempu qu’entamó un personal viaxe n’automóbil. Dos sabios (Rocío García, 2008) ye la puesta n’imáxenes del famosu cuentu de Leopoldo Alas Clarín del mesmu títulu, rodáu el balneariu de Les Caldes, cunta coles interpretaciones de Lluis Antón González y Pepe Santovenia.

El 6u Festival de Cine Asturianu escomencipió en Xixón el 22 de febreru del 2010 cola presentación de los nominaos a los Premios, actu nel que darréu se fizo la presentación nesta ciudá del llibru Historia del cine asturianu. L’actu tuvo llugar na Biblioteca de Xixón, llugar onde se ficieron en 1896 les primeres proyecciones de cine na ciudá.

Los curtiumetraxes Vencíu, de Santos Hevia y Sin cobertura d’Iñaki Ibisate resultaron ser les obres ganadores del 6u Festival de Cine Asturianu celebráu nel Teatru Filharmónica d’Uviéu los díes 23 y 24 de febreru, nes categoríes de Meyor Curtiumetraxe n’asturianu y en castellanu respectivamente. Como Meyor Película el premiu foi pa Cenrades del cielu del realizador José Antonio Quirós, una valiente realización sobre los problemes de contaminación d’una central térmica asturiana que tamién llevó otros premios al Meyor Guión, dirección y actores que recayeron en los sos protagonistes, l’actor gallegu Celso Bugallo y l’actriz catalana Clara Segura. El Premiu al Meyor Documental foi pa Ígor Iglesias por Tom Ze, astronauta llibertáu, un trabayu sobre esti peculiar músicu brasileñu y los conciertos que llevó alantre n’Asturies. El Premiu d’Honor del Festival, Juan José Otegui repasó nel escenariu del Filharmónica la so trayectoria nel mundu del cine entregando los premios principales del Festival.

Los premios entregáronse nuna Gala de Pieslle celebrada’l 24 de febreru, gala presentada por Pepa Martínez y Xavi Vilareyo, y na que tamién actuó el gran DiCarlo y los Ballets Baidán. El gran showman DiCarlo interpretó trés temes del so repertoriu na Gala de Pieslle del 6u Festival de Cine Asturianu el pasáu día 24 de febreru nel Teatru Filharmónica d’Uviéu. El primeru d’ellos foi un homenaxe a la ciudá de París, bierzu del cinematógrafu, con un tema que yá interpretara la célebre Josephine Baker. Llueu interpretó un tema de l’actriz y cantante Esperanza Roy pa terminar la Gala con una pieza dedicada a Juan José Otegui, presente nel actu, sobre’l teatru, tema que Pedro Almodóvar amestó como banda sonora d’una de les sos películes: Lo tuyo ye puru teatru, de la cantante mexicana La Lupe. L’actor Juan José Otegui recibió’l Premiu d’Honor nel escenariu del Filharmónica durante la Gala de Pieslle del Festival, onde anunció la so retirada de los escenarios. El veteranu actor, nacíu n’Uviéu en 1936, ye ún de los actores míticos de la escena teatral y cinematográfica n’Hespaña. Entamó nel Teatru Universitariu d’Uviéu debutando en 1968 nun curtiumetraxe de José Luis García Sánchez tituláu Pólipos nes trompes. Dende entós la so filmografía ye mui llarga: Del amor y otres soledaes, Asesinatu nel comité central, Tiempu de silenciu, El vuelu de la palomba, Belle epoque, La bicicleta y tamién nes recientes producciones de Pedro Almodóvar como Tacones llonxanos, La flor del mio secretu y Too sobre mio madre. Nesti añu de 2010, Juan José Otegui anunció la so retirada de los escenarios, llueu d’una llarguísima y destacada carrera como actor.

Los xuraos d’esta 6a edición del Festival de Cine Asturianu fueron: la directora Teresa Marcos, premiada en dos ediciones del Festival, la directora artística Carmen Castañón, la funcionaria d’educación Laura Lamadrid y l’actor José Antonio Lobato.

El 7u Festival de Cine Asturianu celebróse en Madrid, nel vieyu Atenéu. Los curtiumetraxes Días perdidos, de Senén Fernández y Puntu, d'Eva Gallego resultaron ser les obres premiaes na 7 edición del Festival de Cine Asturianu nes categoríes de Meyor Curtiumetraxe en castiellanu y n'asturianu respectivamente. La entrega de premios tuvo llugar el llunes 9 de mayu nel Atenéu de Madrid, llugar onde nació'l Festival de Cine Asturianu un 27 d'abril del 2005 pa celebrar el Centenariu del cine asturianu. Como meyor película premióse a L'horror de la dama del llagu, del avilesín Diego Váquez. Como meyores actores recibieron los premios Jesús Pardo, por Días perdidos y Almudena gallego por Anorexia. La productora Hi-Video recibió'l Premiu al Meyor Documental pol trabayu tituláu "Concejo de Tineo naturaleza a la carta" qu'entregó Gil Parrondo. El guionista y cineasta asturianu Florentino Soria entregó los premios al meyor curtiumetraxe en castiellanu y a la meyor película mentantu Gil Parrondo entregó los premios al meyor documental y curtiu n'asturianu. Los premios a los actores entrególos la directora y guionista Rocío García. Los xuraos nesta edición fueron los realizadores Teresa Marcos, Iñkli Ibisate y Ángeles Muñiz, premiaos y participantes n'anteriores ediciones del Festival. El Festival nesta edición rindió un homenaxe a los guionistes asturianos en concreto al gran Carlos Blanco (Xixón, 1917), onde se faló de les dificultaes y situación de los guionistes na industria del cine, repasando la trayectoria vital y cinematográfica de dos grandes guionistes asturianos como'l xixonés Florentino Soria, que cuntó y repasó tola so trayectoria nel mundu del cine yá qu'amás de guionista y profesor de la escuela oficial de Cine foi presidente de la Filmoteca Hespañola y de Raimundo García, director amás de dos películes, que llueu d'emponderar mui positivamente'l llibru de Xaviel Vilareyo presentáu faló de la relación a vegaes difícil de los guionistes y los directores según la so propia esperiencia. El Festival presentó en Madrid el llibru "Historia del cine asturianu" de Xaviel Vilareyo que tuvo mui bona acoyida. A la Gala d'Entrega de Premios asistieron los nominaos y otres personalidaes del mundu del cine y la televisión como los yá citaos Florentino Soria, Gil Parrondo, Raimundo García, María Casal, Lola López, Javier Longas, Rocío García, Miguel Losada y Alfonso Suárez.

El 7u Festival de Cine Asturianu presentó en Madrid el 9 de mayu de 2011 el llibru "Historia del cine asturianu" de Xaviel Vilareyo que tuvo mui bona acoyida. La presentación del llibru tuvo llugar dientro de los actos d'entrega de Premios al qu'asistieron los nominaos y otres personalidaes del mundu del cine y la televisión como los yá citaos Florentino Soria, Gil Parrondo, Raimundo García, María Casal, Lola López, Javier Longas, Rocío García, Miguel Losada y Alfonso Suárez. El llibru, presentáu por Raimundo García ye un percorríu ilustrativu per tola historia del cine asturianu dende la llegada del cine a Asturies onde l'autor recueye datos inéditos per primer vegada yá que ye'l primer llibru onde se recueye dafechu la historia del sétimu arte asturianu.

La película “Un contrato extraño” de la realizadora Teresa Marcos y el cortometraje “La mujer del hatillo gris” del director Luis Trapiello fueron las obras ganadoras de la 8ª edición del Festival de Cine Asturianu 2013 que entregó sus Premios en una Gala celebrada en el Teatru Filarmónica de Uviéu el 17 de abril.

El Premiu al Meyor Documental recayó en la obra titulada “Sombra” del realizador ovetense Juan Caunedo, un testimonio gráfico de las mujeres socialistas militantes de la JSU que sufrieron la represión y tortura después de la Guerra de 1936.

El Premiu a la Meyor Actriz fue para Olga Montero por el papel de “Un contrato extraño” y el del Meyor Actor para David S. Cabal por su actuación en la misma película. Los personajes consiguen transmitir una sensación especial muy lograda a medio camino entre la realidad y la ficción.

“Un contrato extraño” es la primera película de la realizadora Teresa Marcos, nacida en Cangues d’Onís, premiada yá anteriormente en el Festival de Cine Asturianu por cotometrajes como “Lencería de ocasión” y “Por estar contigo”. En esta película la realizadora vuelve a inspirase en temas no muy gratos para la sociedad conservadora, en este caso la prostitución masculina, para recrear unos personajes que juegan entre la realidad y la ficción a través de unos diálogos muy creíbles, dentro todo ello de una cierta escuela muy repetida en todo el cine asturiano en general que podemos clasificar como de realismo cinematográfico.

Por otro lado, el cortometraje ganador, “La mujer del hatillo gris” del director ovetense Luis Trapiello, y producida por BlasterTV vuelve ahondar en este realismo cinematográfico en esta ocasión de tipo histórico para recrear un guion inspirado en la represión ejercida por el franquismo en las cárceles durante la postguerra civil.

El Segundu Premiu al Meyor Curtiumetraxe fue para “Módulu 10” de las realizadoras Teresa Marcos y Ángeles Cachón, una original visión de la convivencia de un grupo de mujeres reclusas en la prisión de Villabona y el Tercer Premiu en la categoría de cortometrajes fue para “Machine wars” de Juan Caunedo, una ingeniosa parodia rodada en Cuba donde se mezclan realidad, fantasía y una cuidada realización visual y actoral. En cuarta posición quedó "Lo estipulado" de Kiko y Javier Prada y en quinto lugar "Le futur" de Benjamín Villaverde.

El Premiu d’Honor de esta edición fue para el actor allandés recientemente fallecido Frank Braña (La Puela d’Allande 1934 – Collado Villalba 2012) actor de larga trayectoria que dedicó toda su vida al cine y trabajó en todo el mundo en más de 167 producciones, muchas de ellas películas de aventuras, de acción y del oeste. La repentina muerte de Frank Braña en febrero de 2012 impidió que acudiera en persona como es costumbre a entregar los premios principales del Festival y por ello se decidió aplazar la 8ª edición del Festival de Cine Asturianu al año siguiente. Por ello en esta 8ª edición de 2013 entregó los premios el director y cineasta Manuel Curiel (Fonsagrada, 1948), biógrafo de Frank Braña, que publicó un interesante libro sobre la vida y filmografía del actor asturiano. En la Gala, Manuel Curiel hizo un repaso a la trayectoria cinematográfica de Frank Braña al que se le dedicaron varios homenajes en 2007 durante la 29 edición de la Semana de Cine de Lugo.

Los jurados de esta 8ª edición fueron los realizadores Juan José Bors y Moisés Tuñón y l’actriz Isabel Friera de la Unión d’Actores d’Asturies. El Festival de Cine Asturianu presentó también el 16 de abril en Xixón el libro de Miguel Losada “Vivir el cine: 120 películas que no podrás olvidar”. La Gala de Entrega de Premios contó con la participación de artistas y personalidades del mundo del cine y del espectáculo como Pepa Martínez, Elena Martín, Miguel Losada, DiCarlo, Ángela Fernández del Rey, Moisés Tuñón, Isabel Friera, Adrián Zamanillo, el gaitero Saúl Quiñones, además del Grupín de Teatru SomosAsturies y el director y escritor de cine Manuel Curiel.