L'alcalde d'Allande acudirá a la Gala del 8u Festival de Cine Asturianu

L'alcalde d'Allande D. José Antonio Mesa asistirá a la Gala d'Entrega de Premios del 8u Festival de Cine Asturianu onde se rendirá un homenaxe póstumu al actor allandés mundialmente conocíu Frank Braña. L'actor fallecíu l'añu 2012 nun pudiendo recoyer el Premiu d'Honor del FCA nel so momentu. L'octavu Festival de Cine Asturianu aplazóse por ello hasta esti añu 2013. 

El 16 d'abril en Xixón nel Real Institutu Asturianu de la cai Xovellanos el FCA presenta un llibru de Miguel Losada sobre cine y proyecta los curtiumetraxes finalistes qu'opten al Premiu al Meyor Curtiumetraxe.

El 17 d'abril nel Teatru Filarmónica d'Uviéu tendrá llugar la Gala d'Entrega de Premios a la que yá confirmaron al so asistencia delles personalidaes del mundu del cine y la cultura como Miguel Losada, Manuel Curiel, Isabel Friera, Moisés Tuñón, Juan José Bors, Teresa Marcos, Daniel Cabrero, David Blanka, Rocío Campelo, Kiko Prada, Javier Almeda, Melania Fraga, amás d'otros munchos directores, actrices y actores nominaos a los Premios d'una edición del Festival, la octava, onde más que notres ocasiones faise mui difícil la concesión de los Premios al atopase les votaciones del xuráu nuna posición mui equilibrada.

------------------------------------------------------------------------------------------------------------

PROGRAMA DEL 8u FESTIVAL DE CINE ASTURIANU

8u FESTIVAL DE CINE ASTURIANU

PROGRAMA 16 y 17 d’abril

XIXÓN – UVIÉU

- MARTES 16 ABRIL, XIXÓN, Salón d’Actos Antigu Institutu:

17 hores: presentación del llibru de Miguel Losada “Vivir el cine, 120 películas que no podrás olvidar” cola participación del autor. Intervención de la cantante Elena Martín.

18 hores: Presentación de los directores y proyección de los trabayos nominaos al Premiu al Meyor Curtiumetraxe del 8u Festival de Cine Asturianu:

- ÉVORA (MARK OSTROWSKI, 2012)

- KERES (ALFONSO S. SUÁREZ, 2012)

- LE FUTUR (BENJAMÍN VILLAVERDE, 2011)

- NUNCA (JAVIER Y KIKO PRADA)

- LA MUJER DEL HATILLO GRIS (LUIS TRAPIELLO, 2011)

- MAMÁ (JAVIER Y KIKO PRADA, 2012)

- LA MIRADA CIRCULAR (IVÁN SAINZ, DIRK SOLDNER Y JAIME FERNÁNDEZ, 2010)

- A DEXTRORSUM (VALENTÍN MARTÍNEZ, 2012)

- LO ESTIPULADO (JAVIER Y KIKO PRADA)

- MÓDULO 10 (ÁNGELES CACHÓN Y TERESA MARCOS, 2010)

- MACHINE WARS (JUAN CAUNEDO, 2010)

- MIÉRCOLES 17 ABRIL, UVIÉU-OVIEDO:

20 hores: TEATRU FILARMÓNICA. Gala d’Entrega de Premios del 8u FESTIVAL DE CINE ASTURIANU. Homenaxe al actor Frank Braña. Coles intervenciones de: Pepa Martínez, Grupín de Teatru SomosAsturies, Elena Martín, Miguel Losada, DiCarlo, Isabel Friera, Pepe Santovenia, Ángela Fernández del Rey, Moisés Tuñón, Saúl Quiñones, Manuel Curiel y Xavi Vilareyo.

23 hores: Fiesta del Cine en Sala La Comedie, calle La Luna 11.