Estrénase la obra teatral "La igua" de Xaviel Vilareyo.

Estrénase la obra teatral “La igua” de Xaviel Vilareyo

El próximu martes 29 de setiembre tendrá llugar en Xixón l’estrenu de la obra de teatru del autor mierense Xaviel Vilareyo titulada “La igua”. La obra tará representada polos actores María Xesús Rodríguez y Jesús Menéndez. L’estrenu de “La igua” llevaráse a cabu dientro de los actos de l’Arribada lliteraria de Xixón y fairáse nel Salón d’Actos del Antigu Institutu Asturianu de la Cai Xovellanos a partir de les 8,30 de la tarde. L’asistencia al estrenu d’esta obra ye gratuíta. “La igua” ye una metáfora de los conflictos internos colos que s’enfrenten los ideales y ambiciones de cualesquier personaxe humanu inmersu nun mundu conflictivu y problemáticu y onde la solución y la escoyeta llibre del destín faise cada vegada más abegosa. Xaviel Vilareyo (Mieres del Camín, 1967) estrena con ésta la so tercer obra dramática, llueu de la puesta n’escena de les sos comedies anteriores titulaes “De rebaxes na sablera” y “El misteriu del pelu roxu” represetnaes nel Teatru Filarmónica el pasáu mes d’abril. Nel añu 2009 recibió’l Premiu de Teatru de l’Academia de la Llingua Asturiana pola obra “La fuxida”.